بسم الله الرحمن الرحيم
السلام عليكم ورحمة الله وبركاته
عندنا 3 أنواع من البوريك تقريبا ...بوريك ورقة بورقة ...وبوريك الجبد " أروع بوريك ولكنه يحتاج لشغل كثير "
والبوريك العادي " عجينته تجي مثل الباف " وهذا اللي انا راح أعطيكم طريقته
البوريك الليبي
هو أحد المعجنات اللي نحبها ....
وان شاء الله تعجبكم يااارب
المقادير :
* كيلو دقيق
* كوب سمن سائح
* قليل من الملح
* ماء للعجن
الطريقة :
يخلط الدقيق و الملح
ثم نضيف لهم كوب السمن السائح ونخلطهم حتى يصبحوا كفتات الخبز
ثم نضيف المااء تدريجيا ونعجن الى ان نتحصل على عجينة متماسكة
من بعد ذلك نجزأها الى قسمين ...
ونخليها ترتاح
وبعد ان ترتاح العجينة
افرديها على الطاولة بشكل مستدير ...وحاولي ترقيها قدر الإمكان
وبعدين ادهينيها بالزبدة أو تقدري تستعملي النشا بدل الزبدة
ولفيها بأحكام على شكل اسطواني
ومن ثم قطعيها الى قطع صغيرة ...وضعيها بصحن عميق واغمريها بزيت الذرة
والحين نحضر الحشوة
....
* لحم مفروم
* بصل مفروم
* معدنوس " بقدونس " مفروم
* بهارات وملح وفلفل أسود وزيت زيتون
وأيضا تقدري تستخدمي حشوة السبانخ
أو أي حشوة أخرى
انا استخدمت المفرووووم :
تحطي المفروم فوق النار
وتحركيه الى ان تنشف ماءاه
وبعدين اضيفي له البصل
وتحركيهم شوي
ومن ثم المعدونس .....وباقي المكونات الزيت والبهارات
وتحركيهم
وبعدين ناخذ بالقطعة عجين ونفردها بشكل طولي.....حاول تفردي قدر الامكان
وبعدين حطي حشوة ولفيها على شكل مثلث
سامحوني على عدم تصوير خطوات اللف ايديا كانو زيت وماقدرت ..اصور
بعدين رصيها في طاجين الكوشة
من ثم ندهنها بالبيض ونرش عليها سمسم
ونضعها بالفرن .........
ومن ثم نحمرها
ملاحظة : ما تأخذش وقت في الفرن
وانا استخدمت فقط نصف الكمية والنصف الثاني وضعته بالفريزر واستخدمته بغير يوم
ونتيجته أروع ...يعني لو تعجنيها قبل بيوم يكون افضل
والنتيجة :
وان شاء الله يكووون عجبكم
^^
بانتظار ردودكم
11/22/2011, 3:12 pm
