فيني خليط اشواق مع لوعة افراق
اعيشها مابين ضايق ورايق
فيها الغلا مع صادق الود ينساق
وفيها الغموض اللي يشب الحرايق
للي غيابه محرقاً قلبي احراق
شحت على وصله جميع الطرايق
قربه مسافه ينثني دونها الساق
وبعده حسافه تستبيح الوثايق
من وين مدري كيف تجميع الاشواق
....لا صار في دربي ثمانين عايق
..ظلم البشر مغرور والوقت سراق
....والصبر للمحتار ماهوبلايق
سواد ليلي مارحم طيف الاشراق
....اغتالت الضلما شموع الحدايق
اكتب وجف الحبر في عيون الاوراق
يالله دخيلك من عيون الخلايق
ياعاذل المجنون من خاطراً ضاق
هون ترى المجنون ماهوبفايق
..والله تبي تشتاق لو منت مشتاق
لا شفت من بعض الحقايق حقايق
...وتصير كلك كومة اشواق وفراق
وتعيش مثلي بين ضايق ورايق
لكم تحياتي
6/8/2010, 2:57 am
صح لسانك كلام مرررررررررة حلو
صح بدنك احساس ويعطيكي الف عافيه ع مرورك
