بسم الله الحمن الرحيم
شلونكم شباب صبايا
اليوم جبتلكم قصيده لشاعر المتألق جبار رشيد
اخليكم مع القصيده
خلك ماصرت لوما خليلي تصير
وصرت خلي برضاتك جي صرت خلك
علمتك عليــــــــه من الالف للياء
تغلـــــط بالاجابه وانـــــه اعدلك
حرثت لخاطرك بالروح حرث الكاع
بوسات وورد كل خلكي اشتلك
شمعه انت بحياتي وعمري ضلمه ليل
اشعلت روحي و خفت ما شعلك اشعلك
اخاف سنين عمرك تحترك بالشوك
واضملك كمت من عمري واعزلك
عليك اتسودنت مو بس اخاف اعليك
واحل روحي واكضك خايف تحلك
واغمض من اشوفك و اخدر على الصوت
غلطه انت بحياتي و ابد ما زلك
جم بليس اطرد من يوزني عليك
وجم شيطان ارجمه بعمري و اشتلك
ما اصيرا نبي بس راهب اني وياك
بايات المحبه بشوق ارتلك
وشلي بغيرك انت والكه مثلك وين
وتتعب تلكه غيري وبهالتعب شلك
ياهو العلمك وتريد تمشي بعيد
سلني الشوك خايف باجر يسلك
مثل ضلك جنت وبالخطوه نمشي ثنين
ومشيت انت بضلام وضيعت ضلك
دلييني عليك اسنين تايه بيك
وامشي وياي يمي خاطر اندلك
عرفني على شخصك رايد احجي وياك
بس كلمه وبعدها ماغيرها نكلك
وحده من الاثنين ووحده راح اختار
لو كلك احبك لو احب كلك
اسال ليش احبك حتى اكلك ليش
وليش شماتسوي وياي اقبلك
لحضة موت عمري وسنيني كلهن خوف
وبس وياك امن لمن اوصلك
وانت اخر نفس وشكد عزيز تصير
وبلحضه الموت وتريدنه نملك
خيط اعله الجرح ويلحم صرت وياي
ولو كل الجروح تطيب ماافلك
تعرف كلشي بيه وماعرفت شبيك
لغز وحلك لغز محد يكدر يحلك
واشرد حتى اجيك ومدري ليش الخوف
واخاف تخاف مني وبسدك اختلك
واخاف تخاف مني وبسدك اختلك
تحياتي
للمزيد من مواضيعي
6/2/2010, 9:39 pm
