زمان أغبر زمان أغبر ليالي مالهاآخر..
صور متناثره حولي أبي أجمعها بإستفهام..

بشر تركض إلى لاشيئ بلا أية سبب ظاهر..
بشر تخدع بشر تكذب بشر تجرح بشر تنظام..

إلى أي مستوى نوصل في ساعة وقتنا الحاضر..
ندوس المبدئ مانهتم ونمشي بالخطا قدام..

تجي الشهوه لنا مرسى ونخفي وجهنا الساخر..
نبرر فعلنا الخاطئ ونحط الشرط بالأحكام..

وهذا الطيب المخلص وهذا الكاذب الغادر..
يعيشوا في قفص واحد عجيبه دورة الأيام..

من اللي ينكر أفضالك تراه الجاحد الناكر..
من اللي يعشقك دايم بحق الحب ماينلام..

أحد يقدر على فرقى مقابل وجهك الطاهر..
أحد يخفي مشاعر لك وأنت مصدر الإلهام..

خسا منهو يسبب لك مشاكل تكسر الخاطر..
يعلك في هنا دايم بعيد عن جفا الآلام..

شروقك يضوي فشعري مشاعر في سما شاعر..
دموعك تنبت حروفي وتزهر لك نفل وخزام..

أحبك كثر حبك لي أحبك نايم وساهر..
أحبك كثر ماتنقال هالكلمه برضا وخصام..

أبفرش نفسي من تحتك وأبي رمشك علي يامر..
بقبل باطن إيدينك بسافر لك مع الأحلام..

بحاول أوفي حقوقك ولاكن ماني بقادر..
ياليت جروحك جروحي ولوهوجرح بالإبهام..

وأنا بها الدنيا من غيرك أبحلف خاسر خاسر..
لأن الدنيا من غيرك مداين كلها ألغام..

صــــح لســـــانك

أبداااع والله

تسلم على الكلااام الجميل

للأمام دوم إن شاء الله

تسلم اخ بن شميلوه
مشاركتك تسعدنا فلاتحرمنا منها

يعطيك العافيه

الله عليك ياشيخ والله قصائدك جميله وتروق لي

تسلم و الله