[i]ليش تتباهى بنورك ياقمر
وانت بين النجم حائر كالاسير
لا تصدق يوم يقولون البشر
كل زين يشبه البدر المنير
انت ماتكمل سوى نصف الشهر
وباقي الايام في ظلمته تسير
ادري انك فوق لكنك صخر
ويوم تبدأتشبه اليوم الاخير
اعتذر لك ياقمر ثم اعتذر
وصف خلي يختلف عنك كثير
اصل خلي مبتدأ وآخرخبر
مرتفع بالضم في وسط الضمير
نور خلي ساطع طول الدهر
لو يغيب شوي عشنا في سعير
ونورخلي يعشقه حتى الشجر
وبسمته تطفئ على الدنياعبير
لاضحك لي زال همي والكدر
وأصبح الخافق مثل طفل صغير
وان تبسم يستحي حتى الحجر
وش بقى بعد الحجر كنه يغير
اعتذر لك ياقمر ثم اعتذر
وصف خلي يختلف عنك كثير
له شفايف لونها مثل الجمر
لونظرها الطيرينسى كيف يطير
وله رموش كنها موج البحر
تغرق البحار لو كنه خبير
لونظر بالعين في الكسر انجبر
ومن جماله يجبر الكسر الخطير
ياحلى خلي ويزين الشعر
اسود ناعم وملمس من حرير
من عرفته آه آنا ليلي سهر
ما انام الليل لكني بخير
اعتذر لك ياقمر ثم اعتذر
وصف خلي يختلف عنك كثير
10/19/2010, 10:53 pm
