قصيده وزنها ديوان..؟

4/14/2010, 2:40 am

أناماكنت ابي عطرك ولا ني للخطا عشقان!
اناماكنت ابي إلا أحس انك تحبيني!
وهبتك أجمل احساسي وجيت من الوله عطشان!
لقيتك يابعد عمري حسافه ماتحسيني!
كتبتك أعذب حروفي قصيده وزنها ديوان!
قريتيها،،رميتيها،،ابد ماكنها سنيني!
تجين من الفجر كذبه وعينك تخفي العنوان!
واشوفك في سواد الليل على الكذبه تمسيني!
انا جابتني الصدفه وهذي منة الرحمن!
اشوف الناس من حولي مثل ماتشوفي يحبوني!
تغاري وقتها تقولي عزوز يـأحلى انسان!
يومها قلتي ياكثر معجباتك خايفة يذبحوني!
حبيبتي يكفي اسلوبك انا يكفيني البرهان!
تذكري يوم ناديتك وقتها مريض طنشتيني!
سكت وداخلي صرخه تردد صمتها الجدران!
حسافه طاوعك قلبك بلا ذنب جرحتيني!
ألومك؟ ماألومك
لاألومه وقتي الخوان
انا ماأملك إلا قلب لكن للأسف تعبان!!
كفاني منبع الأحزان تفجر به شراييني!
أحبك ؟ليه أحبك ليه؟! وأتوه بعالمي حيران!
عطيتك ألف معنى حب وهذا اللي تجازيني!
أحاول أكرهك لكن فؤادي ماكره عشقان!!
غريبه كيف هذا القلب يحب اللي جرح فيني؟؟
حبيبتي داخلي كلمه عساها تشفي الوجدان!
((حبيبتي ماأقول إلا حرام انك عرفتيني))...
وسلامتكم

هاي مني رد ع القصايد لي جتني مسجات بالجوال