صدري من الهم.. كنّه ثـوب وتــــــشقـق
يامن يخيّط جروح انسان..مقطــــــوعـه!


مسكين قلب(ن) رهيف(ن)..بالـــغلا صدّق
واحلام فكر(ن) بواقـع مُـر مفجـــــــــــوعـه

ماكـل شـي(ن)..اذا تبغـاه يتــــــــحقـق
لوراق جفّت..وذيـك اقـلام مرفـــــــوعـه

ياويل حالـي..معـي كـذاب يتـــــــملـق
يلعب بقلبي..وروحي منـه منــــــزوعـه

لاطيب ينفع..ولايسمـع لكلمـة حـــــق
يجرح وليف(ن) عشانه يذرف دموعـــــه

ليتـه بحالـي دقيقـه راف..واتـــــــرفّـق
من قبل يعلن فراق(ن) قاطـع اْرجوعـه

لاجيت بدعي عليـه..امحبتـه تــسبـق
واقول يارب.....؟حبه غير في نــــوعه!!

صحيح انه تركنـي غـرب(ن) وشـــرّق
لكن ذكـرى غرامـه جـات مربـــــوعـه

وان جيت ابمشي بدونه.. مركبي يــغرق
مالي بغيره.. ولو هـي ألـف دلــــــــوّعـه

وان حدثوني بذكره.. ارتجف..واعـــــرق
والنبض كنّـه كمـا دقـات مسمــــــوعـه

يلعن ابو الحب..واللـي فيـه يتـــــعلّـق
ياما وياما..بدربـه نـاس مخدوعــــــــــه

وسلامتكم

صح لسانك احساسووووه

ويلعن ابو الحب واللي فيه يتعلق

كلااااام ولا اروع قصيده جميله تسلم ايدك
ومشكوره يالغاليه الى الامااااام الابداع معك بشنطه حاملااه اليوم كل مواضيعك جميله والله ما اجامل وراح يقولون الاعضاء كذا مو انا لحالي

تسلمي احساس ابيات جميله

الله لا يحرمنا من ابداعاتك

والله من الردود الحلوة الواحد يتحمس للأبداع
يعطيكم العافية أخواني