أجامل وابتسم واضحك وانا في داخلي مقهور
احاول اكتم احزانـي ورى صـدري وأخبيهـا
أحاول اكتم همومـي واخبيهـا وأنـا مجبـور
واحاول قد مـا أقـدر أبعـد عـن حراويهـا
لو اني كنت بنطقها مع انهـا واقفـة بالـزور
ولكـن لازم اكتمـهـا ولا ابـيـن معانيـهـا
ولو بعض البشر تدري وتكشف خافي المستور
أببلش في شماتتهـا وابتعـب مـن حكاويهـا
طبيعه ماتفارقهم طبيعـة مـن قديـم عصـور
ورا حكي القفى تطرد وتنبـش فـي خوافيهـا
واذا طاح الرجل مرة وصار من الزمن مكسور
تجيله طعنـه بظهـره تفاجـأ مـادرى فيهـا
تفاجئ مادرى باللي بيصير ومـن وراه يـدور
وخابـت هقوتـه فيهـم بعـد ماكـان هاقيهـا
لجل هذا كتمت الهم في صدري وانـا معـذور
همومي فـي وسـط قلبـي أخبيهـا واخليهـا
واذا زاد الحزن فيني كني وحيد بعالم مهجـور
كأني بدنيتـي وحـدي وكـل النـاس جافيهـا
واذا ودي أبوح بهم أبـد مـا اكتبـه بسطـور
همومي بـس فـي نفسـي الحنهـا واغنيهـا
مصير الهم يترحل وأعيـش بدنيتـي مسـرور
مصيـر الهـم ينسانـي ونفسـي مـا يعنيهـا
مصير القلب لو يظلم يجي يوم ويشوف النـور
مصيـر النـاس تتبـدل وتتغيـر مماشيـهـا
اذا صار الـذي ودي أبيـح خافـي المستـور
واخلي الناس تـدري بـي وبهمومـي أبكيهـا
ولكن بكتم همومي واخبيهـا عـن الجمهـور
وطبع الهـم مايهنـى بغيـر ظلـوع راعيهـا
اتمنى تعجبكم
5/29/2010, 8:50 pm
