جف الحبر لزمن المصالح

5/19/2010, 7:51 pm

**جف الحبر لزمن المصالح**

جف الحبر لزمن المصالح.. وما عاد لـ حروفي دليل ..

ومات الفرح فيني .. وتبعثرت أوراق فكري .. وما عاد لـ أفكاري دليل ..

أهوجس من وجعتي .. ودمعي على خدي يسيل ..

مـ أدري .. ألقاها من وليفٍ .. أو من دنيا صار الصدق فيها قليل ..

كل من حولي يدّعي إنه صديق ..

ما دروا إن الصداقة ميثاق ٍ غليظ ..

يقولون إن الصديق وقت الضيق ..

وين الصديق ليـ ضاقت بك الدنيا .. وهي دايم تستضيق !!؟

وكل عزيز ٍ .. يدّعي إنه حبيب ..

لو عرفك اليوم .. يقول أحبك يا هاجسي .. وأرجوك عني لا تغيب ..

وبـ لحظة يبتعد .. ويقول مشكور .. لعبت لعبتي وخذت منك ما أريد ..

ما دروا إن كلمة أحبك كنز .. ملوك العالم ما يملكون منه إلا القليل ..

وإنها سحابة مطر .. ما تمطر إلا على القلب الرهيف ..

امطرت بساحة قلبي واختفت .. وللأسف .. من مطرها مـا ارتشفت إلا القليل ..

أنا مـ أبكي على حبيبٍ تركني .. وباعني .. وباع حبي بثمن رخيص ..

لا لا ..

أنا أبكي على زمان ٍ .. بات الكذب فيه عند الناس مثل الصديق ..

وصار ذاك الصديق .. إللي بوقت الضيق ..

مـ أدري إللي كتبته آخر سطوري .. وآخر فصول جرحي العميق ..

أو إنها بداية أمل جديد ..

المشكلة إني في زمن .. إرتفع فيه سعر الحبيب ..

وصار الكل يتفرج .. وما عاد حد يشتريه ..

والمشكلة .. جف الحبر .. وما عدت أملك من حروفي إلا القليل ..

5/19/2010, 8:00 pm

صح لسانك بن شميلون

واضح انك شاعر محترف

واضح للاعيان لانك تختار قصائد رائعه

سمعنا قصائدك يالغالي لا تبخل علينا

تسلم ويعطيك الف عافيه

5/19/2010, 10:55 pm

صح لسانك اخي ابن شميلوه

يعطيك العافيه ع القصيده

5/21/2010, 5:07 am

صح لسانك يابن شميلوه

والله أبدعت بالقصيدة