هذي حياتك .. وأنت حر بحياتك ..!!

5/11/2010, 2:20 am

هذي حياتك .. وأنت حر بحياتك ..!!

لحظه
قبل لا تطلب البعد وتغيب
وتنهي معايه مرحله من حياتك

أخذ
الهدايا والصور والمكاتيب
دامي خسرتك ما أبي ذكرياتك

يمكن
يكون فراقنا رأي مصيب
خيره .. كتبها الله جتني وجاتك

مع اني
ادري انت ماعنك تجنيب
كنك موصيني وقاضب وصاتك

رح واترك
بقلبي لك أربع معازيب
معزتك طاريك حبك غلاتك

وإن شفتني
أجمع شتاتي .. ماهو عيب
باكر مع الأيام تجمع شتاتك

وإن شفتني
شايل جروح معاطيب
باكر يصير الجرح أبرز صفاتك

أكبر مصيبه
في زمان العذاريب
إني أحبك وأنت حبك لذاتك

الطيب
لو إنك تجازيه بالطيب
ماكان تالي الوقت هذي سواتك

يا صاحبي
لا صرت أغلا الأصاحيب
لا تزعل بكيفك وتطلب رضاتك

أنا حبيبك
مبعد الشوح مانيب
من ضيع جهاته .. يدور جهاتك

إن كان
ماعديت روس المراقيب
ماني كفو أصلا أنام في عباتك

شفني
مقدر عند عكف الأشانيب
مانيب من تومي عليه بعصاتك

رح للفراق
إللي تركنا مصاويب
شمت اعدائـي قبل تشمت أعدائك

الله معك ..
رح وين ماودك تغيب
هذي حياتك .. وأنت حر بحياتك

5/11/2010, 2:28 am

والله ابداااع أبدااااااع
يعطيك ألف عافية دوم مبدع

5/11/2010, 11:59 pm

تسلمي يالغاليه كل ردودك ع راساااسي ومشكوره ع هالجهد لي تبذلينه

5/12/2010, 4:32 pm

شكرا ع القصيده الحلوه هذي حياتك .. وأنت حر بحياتك ..!! 36121

5/14/2010, 5:16 am

الله يسلمك صغيرونه

تسلمي ع مرورك

» هل أنت سعيد بحياتك؟؟
» معجزة في يدك وأنت لا تعلم!!!!
» لا تاكل وأنت حزين
» لا تأكل وأنت غاضب
» أنـقلــــب وأنت قاعد

هذي حياتك .. وأنت حر بحياتك ..!!

هذي حياتك .. وأنت حر بحياتك ..!!

مواضيع مماثلة

مواضيع مماثلة