الكلب لامابغيته قله در

11/2/2011, 3:06 pm

...........................................

الكلـب لامابغيتـه قـلـه در

.............................ماهو بحـرام لاجـاك ورديتـه

والحبيب ماينام الا على الصدر

.............................ماهو لي يعشقك وجالس ببيتـه

ماحد يغصبك تاكل ورق السدر

.............................لو ماعجبك معذور لاماكليتـه

قدها فضيله معه صاليتها قـدر

.............................عانيت من اسلوبه وما صديتـه

ورجع كررها وجاب لي الكدر

.............................والله محشوم لـي قبلـه حبيتـه

لكن للصبرحدود وانا مااقـدر

.............................اتحمل خلاص بالبعـد جازيتـه

وياخوفي اشتاقله نـور البـدر

.............................لانـي احبـه وقلبـي عطيتـه

باوكله الله وباحط بينـا جـدر

.............................وباقول اعتبر انـك ماهويتـه

بالملم حبه وباقوله خلاص ينحدر

.............................ماتبقى بداخلي جرح مالفيتـه

لان الله كشف نيتـه والغـدر

.............................والنعم بالله منور عبـده بليتـه

هذي ابياتي لك جابهـا القـدر

.............................يرحم امك خلاص بنهي مابديته

حكم القاضي والبيان ذا صـدر

.............................حبك من قلبي انا اليوم رميتـه

الكثيري
02\11\2011

11/2/2011, 6:33 pm

صـح لسااانك يالملك

كلمات ولا أروع منها

يسعدك ربي

11/3/2011, 12:05 am

صح لسانك,,, ابدعت والله

قصيدة احترافية ياشاعرنا

راقتلي... لا تحرمنا جديد قوافيك

11/3/2011, 1:28 pm

ماشاءالله عليك شاعرنا

الله يقويك يارب

تسلم

11/4/2011, 2:21 pm

صح بدنك وعاافاكي ويسعدك بعد

حسوسه اسعدني تواجدك اشكرك

11/7/2011, 9:03 pm

Mr. D A R K كتب:: صح لسانك,,, ابدعت والله

قصيدة احترافية ياشاعرنا

راقتلي... لا تحرمنا جديد قوافيك

اخووووي دارك صح بدنك وسلمك الله من كل شر يالغلا اسعدني تواجدك

اشكرك

11/7/2011, 9:04 pm

هذي انا الله يسلمك ويحفظك اسعدني تواجدك اشكرك

مواضيع مماثلة