السلآم عليكم ورحمه الله وبركآته ..





لمحبي الشآعر/ محمد بن فطيس المري


قصيدة جديدة ..




" يآ شين طبع فيـك " ..












يا شين طبعٍ فيك .. يا زين الأطباع
............................ز.......... لولا الرجاء .. ما كان خلّيته .. يفوت
سَنَع .. يشوّه لا تذكّرته .. أسناع
...............................ز...... مثل الحصاة .. اللي وسط عقد ياقوت
تخفي هيامك .. وإنت ميّت وملتاع
................................ ما تدري إنه في ملامحك منحوت
ويبخل لسانك .. وإنت للسمع .. طمّاع
................................. والبخل .. في سِلْم المحبين .. ممقوت
الحكي .. قوت السمع / وأسامعي جياع
.................................... ومسامعي ماتت من الجوع .. للقوت
وحكي الغزل في صدرك أشكال وأنواع
.................................... لكن صمتك .. حوّل الصدر .تابوت
إلا طَلَبتك وصل .. صعّبت الأوضاع
.................................... مدري .. من اللي درّسك جعله يموت
تصد .. ما كّنك من الصد .. مرتاع
.................................... وإن قلت : يا القاطـع تلفّت مبهوت
أقطع بـ دَرْب مواصلك في الشهر.. باع
...................................... وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طاع
................................. ناسٍ صغار عقول / وأشوار / وبخوت
وإلطف بحال اللي نحل حاله .. و راع ..
.................................... قلبٍ جروحه .. تنزف أفكار .. وبيوت
قلبي .. إلا منّه شرى قلب .. ما باع
.................................. وإنت هالله هالله فيه .. والعمر موقوت
اسمع أشعاري في الهوى وارخ الأسماع
................................ ياللي غلاك بـ تربة القلب مكتوت
لا .. للفراق .. و لا لتجديد الأوجاع
.................................. ونعم .. نعم للوصل .. لو كان بالصوت





.......

هلا ومرحبا فيك صغيرونهـ
يسعدنا ويشرفنا إنك تكوني بينا
وإن شاء الله تلاقي منا وبينا كل اللي
يسعدك ويحوز على رضاك
وإحنا بانتظار جديدك المفيد إن شاء الله
لأن ودنا نتعلم من بعض ما عندك بارك الله فيك

وشكرا على مشاركاتك الجميله

يسلمك ربي انشاءالله

يعطيك العافيه اخوي

صح لسانة بن فطيس
وتسلم الأيادي على الأختيار الموفق

شكرا لج احلى احساس ع المروور