جربت في الدنيا تجاريب شــــــايب
وعرفت عدواني وميزت الاصحاب
وعرفت طبع الناس مخطي وصايب
ومانيب خبلٍ تخدعه ضحكة النــــاب
جنبت انا العالم وبعض الــقرايــــب
البعض منهم قربـــهم عــــقرب وداب
لو كان تعطيهم عيونك وهـــــــايب
ماينـفعونك جــيدهم عند الاجنــــــــاب
ناسٍ يعادونـك بـــليا ســــــــــبايب
حط الحواجز دونهم واغلق البـــــــــاب
الا لمن جالك مع الوقت تـــــــايب
فاصفح وربك للمخـــــــاليق تـــــــــواب
واللي تكبر عنك شد الركـــــــايب
جنب طريقه واحقره كـنه ذبـــــــــــــاب
ومن لايسد اللازمه في النــــوايب
وقت الرخا تقول ابو زيد وذيـــــــــــاب
بعض البشر قلبه من الحقد عايب
لافيه طب وقلبه اسود من غــــــــــــراب
عنده نجاحك من كبار المصايـــب
واذا سمع مدحك من الغــيظ ينصـــــــااب
لولا الحيا سالت دموعه سكـــايب
مسكين من نار الحسد مـــــاكل تــــــــراب
اللي يذمك كلما صرت غــــــايب
وان جيت قدم لك تراحــيب واعجــــــــاب
كبه ترى مثله مع الناس خايــــب
عادات ابو وجهين يــكذب ويغتـــــــــــــــاب
لو تغرقه بالطيب ماهوب طـايب
ولاتنــخدع في مثل شـــــرواه لو طـــــــــاب
طيبه وخيره للمره والنســــــايب
ولاتنـــــــشده عن والديـــــــــنه والاقـــــــراب
راااق لي
7/28/2011, 1:25 am
