حبيت احط لكم وصفات خاصه للمشاوي والباربكيو الي نعتمد عليها في طلعاتنا بالرحلات وانتوا ياشباب تقدروا تعملوها لما تروحوا البر تشوو
ياللااااا بسم الله ابدء ..
مهم :: التخطيط المسبق للرحله والتجهيز قبلها بوقت كافي يعطي الرحله تنظيم وتوفير للوقت والجهد وكل شيء يكون مرتب وعلى حسب ماتردي تكون الرحله .. :: في جميع التتبيلات والخلطات .. نلاحظ ان كل مازادت وقت جلوس اللحم او الدجاج في الخلطات او التتبيله نقلل كمية الملح لان الملح حيتشربه اللحم والدجاج فاذا كان كمية كبيرة راح يكون الاكل مالح ..
حطي المكونات كلهاعلى اللحم وغطيها لوقت الشواء .. وكل ماكانت جلستها في الخلطه اكثر كل ماكانت احلى طعمها في الاكل .
خلطة الثوم والفلفل الأخضر ...
المكونات لـ 2 كيلو لحم :: راسين ثوم - و7 قرون فلفل اخضر ( منزوع البذور حتى لايكون حراق كثير ) فنجان زيت زيتون - ملح حسب الرغبة
ندق الثوم مع الفلفل الاخضر ونحطه على اللحم وبعدها الملح وبعدها زيت الزيتون نخلطهم مع بعض ونغطي المكونات ونحطها في الثلاجة الى وقت الشواء .
خلطة الروب .. المكونات لـ 2 كيلو لحم .. علبة روب كبيرة فنجان زيت زيتون - ملح حسب الرغبة - راس ثوم - فلفل اخضر . نحط المكونات في الخلاط ونخلطهم وبعدها نصبهم على اللحم ونغطيه ونحطه في الثلاجه الى وقت الشواء ..
خلطة زيت الزيتون ... المكونات .. ملح - فلفل اسود - زيت زيتون - وعصير بصلتين ( لعصر البصل نبشره ناعم وبعدها نعصره باليد وناخذ الماي ماله ) نحط المكونات فوق اللحم ونخلطهم معاه وبعدها نحطهم في الثلاجه بعد مانغطيهم الى وقت الشواء
خلطات الدجاج ::
خلطة الروب : علبة روب كبيرة - عصير 4 ليمونات - بهار مشكل - زيت زيتون - ثوم وفلفل اخضر - ونص كوب شاي خل ابيض نحطهم بالخلاط كلهم بعد مانخلطهم نصبهم على الدجاج بعد مايكون نضفناه وغسلناه بالملح او الطحين عشان مايكون فيه اي ريحه للزفاره ..
خلطة الصبار :: كيس صبار ( تمر هندي ) النوع الناعم جدا ننقعه في كوب ماي وبعدها نصفيه زين من البذر ماله نحطه في الحلاط ونحطله فلفل اخضر وشوي ملح لانه مالح النوع هذا من الصبار نحط شوي زيت زيتون ونص علبة روب بعد مانخلطهم نتبل فيهم الدجاج وتخطيه ونحطه في الثلاجه لوقت الشواء ..
خلطة للدجاج :: علبة روب - حبتين طماطم - حبتين بصل - فلفل اخضر - راسين ثوم - فنجان زيت زيتون - ملح حسب الرغبه - بهار مشكل نحط كل المقادير في الخلاط ونخلطهم ونتبل فيهم الدجاج وبعدها نغطيه ونحطه ف الثلاجه الى وقت الشواء
ملاحظة :: لو تبلتي الدجاج او اللحم قبلها بيوم يكون افضل وحطيهم في الثلاجه مش في الفريزر
5/14/2011, 5:05 pm
