من احنا صغار ونشوف ماريو يشلّع بهالسلاحف ويحذف صدفاتهم كل صوب !! بصراحة شلون صاير شكل السلحفاة من غير الصدفة؟وهل السلاحف بطيئين؟ وانا في اجازتي قبل
يومين كنت منسدح واطالع كارتون ولا يحطون سلحوف صغير، السلحوف ذكرني بلعبة
ماريو عالسوبر نيتندو وقعدت افكر شلون شكل السلحفاة من غير صدفتها . رحت
ادور صور حقيقية وطلعت لي مجموعة بسيطة ومبين عليهم مو سلاحف طبيعيين مادري
شلون صايرين، لما دورت اكثر اكتشفت الحقيقة ..السلحفاة ما تطلع من الصدفة، الصدفة جزء من هيكلها العظمي ما تقدر تطلع منه، مثل واحد يقول تخيل اذا طلّعوك من عمودك الفقري ولا قفصك الصدري، راح تقول شفيه هذا يستهبل! بالضبط، لما نتخيل السلحفاة تطلع من صدفتها احنا قاعدين نستهبلشوفوا صورة الهيكل العظمي للسلحفاة: 
يعني التجويف داخل
الصدفة فيه الأحشاء الداخلية للسلحفاة، والأحشاء هذي متصلة مباشرة بالصدفة
مو مفصولة، القشور أو الدروع اللي نشوفها مصفوفه جنب بعض هذي لازقة على جسم
السلحفاة الأصلي مافيه تجويف أو فراغ بينهم بين بعض.الصدفة مقسمة جزئين:1- طبقة خارجية اللي تكون على الظهر - the carapace: the upper convex shell.2- طبقة داخلية تكون جهة البطن -- the plastron: the lower concave shell.القسمين مربوطين ببعض
بجسور عظمية والسلحفاة تقدر تتحكم فيهم عشان تسكر الطبقتين على بعض وتدخّل
راسها ورجولها للحماية من الحيوانات وأي خطر. لما تسوي كذا يعني مثل تدخل
جوا جسمها، مو تخش داخل صدفة فارغة.مرات القشور الخارجية تطيح بسبب مرض جلدي أو التهاب في البشرة بس هالحالات نادرة جداً ، ومرات يصير تنكسر الصدفة لما تدوسها سيارة وتحتاج وقت تتعالج وترجع وضعها الأول. طيب ليش دايم على بالنا ان الصدفة ممكن تنفصل عنهم؟ كله من ماريو التعبان وألعابه، عشان ينقذ أميرة !!يمشي ويذبّح بهالسلاحف المساكين شوي وينقرضون 
مشكلة الحريم! 
وافلام الكرتون كمّلوها وعطونا هالفكرة وكبرنا عليها وعلى بالنا صدق 
سلاحف النينجا لازم يقدمون استقالاتهم النصابين 
على طاري السلاحف، صح كلهم بطيئين؟بس السلاحف البرية ونشوفها بطيئة لأنها بكل بساطة ما وراها شي 
لما تحتاج تتحرك بسرعة تلقاها طبيعية وسريعه، السلاحف المائية عاديين ونسبياً سريعين في سباحتهم. بعضهم يقولوووون السلاحف البرية بطيئة بسبب عملية الأيض البطيئة في أجسامهم وثقل الصدفة عليهم، ولأن عملية الأيض بطيئة نشوف اعمار السلاحف طويلة مقارنة بالبشر.يمكن لأن رجولهم قصيرة تلقى خطواتهم قصيرة طبيعي يكونون بطيئين بالنسبة لحركتك البشرية. بس السلاحف البرية صغيرة السن تكون سريعه لأن حياتهم مهددة اذا ماكانوا سريعين. شاهد هذا الفيديو ..~^ ^ http://www.safeshare.tv/v/6FRzmTY7wrk معلومات سريعة:1- أصداف السلاحف البرية تكون أثقل من السلاحف المائية، وأصداف السلاحف المائية تكون مسطحة أكثر عشان تساعدها على السباحة.
2- لون الصدفة يعكس حالة السلحفاة الصحية، مقدار الكالسيوم اللي بأكلها ومقدار تعرضها للشمس وحالة الكبد والكلية وغيره.
3- الدروع أو القشرة اللي على الصدفة تتبدل خلال حياة السلحفاة، بحيث ان القطع تطيح ويطلع مكانها غيرها.
4-
تربية السلاحف عملية خطرة لاشتهارها بمرض السالمونيلا، والبكتيريا
المسببة للمرض موجودة في أمعاءها الداخلية وتطلع مع خروج السلحفاة وتنتقل
للبشر إذا ماكانوا منتبهين.
5-
السلحفاة تدفن بيضها برمل الشاطئ عشان تسخن بأشعة الشمس وتفقس السلاحف
الصغيرة، يعني مو نفس الدجاج يقعدون على البيض، بس تدفن البيض وتمشي ولا
تدري عنهم خلاص تروح، والسلاحف لما يطلعون سبحان الله على طول ينزلون البحر
بسرعة قبل لا تاكلهم الطيور أو أي حيوان ثاني.
6- السلاحف تتغذى على الورود والأعشاب والفواكه والفطر والأسماك والزواحف الصغيرة.
7- أكثر سلحفاة ملونة يسمونها Painted Turtle هذي صورتها:
منقول
4/5/2011, 10:44 pm
