مؤسس المنتدى البلـد/الاقامة :  مشاركات : 13865 الانتساب : 21/03/2010  4/27/2010, 11:51 am | |
ماذا تعرف عن الواسطه
القاضي و راعي الدجاجة
جاء رجل ومعه دجاجة مذبوحه ( يعنى ميتة ) وكان رايح( لمحل الدجاج)
عند راعى الدجاج علشان يقطع الدجاجة فقالة راعى الدجاج خلاص روح لك
ربع ساعة وتعال لي تلقاها جاهزة
قالة صاحب الدجاجة : خلاص اوكى
فمر قاضى المدينة على راعى الدجاج وقاله :عطني دجاج
قاله راعى الدجاج : والله ماعندى إلا هذى الدجاجة وهى لرجال بيرجع الحين
قاله القاضي : خلاص عطني إياها وإذا جاك صاحبها قول له الدجاجة طارت
قال راعى الدجاج : وشلون مايصير؟؟ هو جايبها ميتة كيف ؟؟؟
قالة القاضي : اقوووووولك قول له كذا ولا عليك وخليه يشتكى ولا يهمك
قال راعى الدجاج : اوكى والله يستر
جاء صاحب الدجاجة عند راعى الدجاج وقال له وين دجاجتي ماخلصت
قالة راعى الدجاج : والله دجاجتك طارت
قال صاحب الدجاجة : وش تقوووول كيف؟؟؟ صاحى انت... انا جايبها ميتة
وصار بينهم شد في الكلام وبغوا يتهاوشون
فقال صاحب الدجاجة : امش معاى للقاضي علشان يحكم بينا هناك ويطلع الحق
فراحوا للقاضي وعند ذهابهم للقاضي في الطريق شافوا اثنين يتهاوشون
واحد مسلم والثاني يهودي
فجاء راعي محل الدجاج يفرع بينهم ( يعنى يفرق بينهم ) ولكن إصبعه
دخلت في عين اليهودي وفقعها (وفقئها)
فتجمع الناس ومسكوا راعي محل الدجاج وقالوا هذا اللى فقع عين اليهودي
فصارت القضية قضيتين فوق راسة
فجروه للمحكمة عند القاضي فيوم قربوا من المحكمة حاول يفلت منهم وهرب
وجروا وراه يلحقونه يبون يحاكمونه لكنه دخل في مسجد وهم وراه
وركب فوق المنارة وهم وراة أخرتها طمر (نقز) من فوق المنارة الا وهو على شايب
فمات الشايب من اثر طيحت راعى محل الدجاج عليه
فجاء ولد الشايب وشاف ابوه ميت فلحق راعى محل الدجاج ومسكه هو ومعاه باقى الناس
فذهبوا به الى القاضي
فلما شافه القاضي ضحك يفكره علشان سالفة الدجاجه
مادرى ان علية ثلاث قضايا :
1) سرقة الدجاجة
2 ) فقع عين اليهودي
3) قتل الشايب
فعندما علم القاضي مسك راسه وقال عز الله انك جبت العيد
فجلس يفكر القاضي وقال خلونا ناخذ القضايا وحدة بوحده
المهم نادى القاضي صاحب الدجاجه
قالة القاضي: وش تقول في دعواك على راعى محل الدجاج
قال صاحب الدجاجة : هذا ياقاضى سرق دجاجتي وأنا معطيه اياها وهى ميتة
ويقووووول انها طاااارت كيف ياقاضى؟؟
قال القاضي : هل تؤمن بالله
قال صاحب الدجاجة : نعم أؤمن بالله
قال له القاضي : ( يحيي العظام وهى رميم ) قم مالك شى جيبوا المدعى الثانى
فجابوا اليهودي وقالوا هذا ياقاضى فقع عينة راعى الدجاج
فجلس القاضي يحوس ويفكر ويطلع وينزل,,,,,
فقال القاضي لليهودى : دية المسلم للكافر النصف يعنى نفقع عينك الثانية
علشان تفقع عين وحدة للمسلم (راعى الدجاج )
فقال اليهودي : خلاص انا اتنازل ماعد ابى شى منه
فقال القاضي : عطونا القضية الثالثة
جاء ولد الشايب اللى توفى وقال : ياقاضى هذا الرجل طمر على ابوى وقتله
ففكر القاضي وقال : خلاص روحوا عند المنارة وتركب انت يالولد فوق وتطمر
على راعى الدجاج
فقال الولد للقاضي : طيب واذا تحرك يمين ولا يسار يمكن اموت انا
قال القاضي : والله هذى مو مشكلتى ابوك ليش ماتحرك يمين ولا يسار
فطلع راعى الدجاج من القضايا الثلاث زى الشعرة من العجينة
يلعن أبو الواسطة
|
| |
إداري البلـد/الاقامة :  مشاركات : 10156 الانتساب : 09/04/2010 | 4/27/2010, 8:30 pm | | ياسلام ايش ذا دجاااجه سوت كذا ايش لو جمل ههه هذا قاضي نذل
فيه واحد راح يبي لوايح لسيارته بالرياض يقول لمدير المرور ابي لوايح وتكتبولي عليهم ابو فهد قاله المدير مافي الا فهد بس قال مابي الا ابو فهد منوين طلع هالبدوي وفجئه مرت سياره مكتوب عليها ابو ظبي قال شوف شوف يامدير يلعن ابو الواسطه هذا عطيتوه ابو ظبي وانا ماتريدوهههههه
عالعموم قصه حلوه والله يعطيك العافيه اخي |
| |
عضو ملكي البلـد/الاقامة :  مشاركات : 5940 الانتساب : 19/04/2010 | 5/1/2010, 1:09 am | | والله حظة راعي الدجاج
بالقاضي
مشكور أخوي على القصة الحلوة |
| |
