ياااااكثرهم....

6/23/2010, 12:17 am

ياااااكثرهم....

ياكثرهم .. لا قلت لك .. عرفة وجيه

وياقلهم .. لا قلت .. قـدر ومعـزه

رجلٍ .. تعزه بعد ماتلتقـي .. فيـه

ورجلٍ .. قبل ماتلتقي بـه .. تعـزه

ورجلٍ .. ترزه بالمجالـس مباديـه

ورجلٍ .. فلوسه بالمجالـس تـرزه

ورجلٍ .. يموت ولا يجيبون طاريـه

ورجل ٍ .. يجي طاريه في كل حزه

ورجلٍ يهزه .. بعض موقف ويشقيه

ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه

ورجلٍ .. كلام اعـداه .. مايستفـزه

ورجلٍ .. تلزه يعترف لك .. بخافيه

ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيـه

ورجلٍ .. يزعّل من يحاول ، يـوزه

ورجلٍ .. تكزه لا زم انك .. توصيه

ورجلٍ .. بليّا ما توصيـه .. كـزه

من لا فرش .. للمرجله .. ماتغطيـه

ومن لايخز .. الناس .. محدٍ يخـزه

ان كنت تعرفني فهي .. عرفة وجيه

مو شرط لك بالقلب قدر .. ومعـزه

6/23/2010, 12:29 am

صح لسانك اعزالناس

يسلم طرحك

6/23/2010, 12:46 am

ياسلااام ياسلااام كلااام رووعة

تسلم ياأعزالناس والله يخليك للمنتدى ياملك المنتدى

6/23/2010, 1:58 am

الله يحفظكم مروركم طيب

مشكورين

6/26/2010, 1:12 am

والله طرحك للقصيد مميز ياخي ابداع بكل المواضيع

يعطيك الف الف الف عافيه اخ أعزالناس

تحياتي لك على هذا التميز اخي الغالي عبدالعزيز

6/26/2010, 2:52 am

اقول لاتكثر هرج هههههههههههه

انت المميز يالغالي يعطيك الف عافيه ع مرورك الطيب

تسلم