إستشيري القلب دامك تشعـر إنـك مستشـار
ولاتظن عيوني أبدا غيـر عينـك تستشيـر
لاتحسـبي إنـي أراوغ أو أمانـع أي قـرار
دام حبك بي خيالي خل يصيـر اللـي يصيـر
والقنـاع اللـي لبستـيه مايغيـر هالمسـار
كل واحد في غرامه يمتلـك قلـب وضميـر
جيتلك موت وتحدي لو تبيني جيت إنتحار
المهم إبقى عشانـك دام حبـك بـي خطيـر
كيفها عيونك حبيبـتي لـو تناظـر بإحتقـار
أعشقك يا أعظـم حقيـره دام أنا بعينك حقير
خليها تطـول المسافـه مـا أمـل الإنتظـار
دام أشوفك في خيالي عاشـقٍه مالـه نظيـر
ودامه صار تحدي ما أحب لعـب الصغـار
وأبتدي أقنع عيوني بس تشوفك شي كبيـر
وأعلن سيوف التحدي وأرفعك فـوق الكبـار
وكل شامخ في طريقك أجبره يبقـى صغيـر
وساحة الشعر بمداها تصبح لعينـك قطـار
كلها تهون لقصيدك بـس تهنـى بالمسيـر
دوم أنا أبقى قوي .. بـس أحـس بإنكسـار
تدرين وش يعني شموخٍ داخله يبقى كسير
تدرين وش يعني عظيمٍ .. تشعره بالإنهيار
تدرين وش يعني غرامٍ مابه إنسانٍ يغيـر
تدرين وش يعني حبيبٍ راح عنك وإستدار
تدرين وش يعني بروده يشعلك نار السعير
كلها تهون لعيونك وأشعـر إنـي بإنتصـار
وأمسك النـار بيدينـي ولا أفكـر بالمصيـر
دامك المـوت الحقيقـي ياحـلاة الإحتضـار
تزرع الشوك بطريقي أمشي وأتخيـل حريـر
التحدي هو غرامـي ولا أعـرف الإنحـدار
ولذة السكر هوايه تخجـل الوضـع المريـر
شفتيني كيف أنتهي بك شفتيني ياأحلى مرار
لجلـك أجبـر هالمربـع ياعذابـي يستديـر
ولجلك عيـون البرايـا كلهـا منـي تغـار
وكل ماسافر مدينه خافقـي لعينـك سفيـر
تمطر الدنيا غيـومٍ برقهـا يضـوي شـرار
والصحاري كلها لـك وردةٍ وسـط الغديـر
والمسافه لـو بعيـده مـا أمـل الإختصـار
ماتهـم الجاذبيـه دام أنـا لعينـك أطـيـر
كلهم قالوا غريبه وين عقلك .. كيف طـار ؟
قلت أنا للـي خذانـي وإبتعـد عنـي كثيـر
يستشير الكـون لكـن مايفيـد المستشـار
هو عقب نظرة عيوني .. به عيونٍ يستشير ؟؟!!
تحياتي للجميع
6/11/2010, 4:51 am
